Saak uitgestel van man met paar se selfoon

Akhona Inocent Gini in die landdroshof in Cullinan. Foto: Hilda Fourie

May 11 2009 08:42:52:360PM – (SA)

Hilda Fourie

Met ’n Superman-T-hemp aan het ’n man wat na bewering ’n egpaar op Goeie Vrydag op hul kleinhoewe oos van Pretoria vermoor het, gister vlugtig in die landdroshof in Cullinan verskyn.

Mnr. Akhona Inocent Gini (25) staan tereg op twee aanklagte van moord en ’n aanklag van roof met verswarende omstandighede.

Gini, wat vroeër in diens van mnr. Johan van den Bosch en sy vrou, Cobi, op hul kleinhoewe by Mooiplaats was, is Vrydag by sy huis in ’n plakkerskamp buite Witbank gearresteer.

Dít was sowat ’n maand nadat mnr. Van den Bosch (63) in sy melkstal oorval en vermoedelik oor die kop geslaan is. Mev. Van den Bosch (60) is kort daarna in die huis dood nadat sy in die bolyf gesteek is.

Een van die egpaar se twee selfone wat die dag gesteel is, het die polisie Vrydag na Gini se huis gelei. Dié selfoon is in sy besit gevind. Gini het sedertdien ’n bekentenis gedoen en uitwysings gedoen. Landdros Petro Engelbrecht het sy saak vir ’n week uitgestel vir verdere ondersoek en sodat hy om regshulp kan aansoek doen. Hy bly tot dan in aanhouding.

Oorsprong:Beeld
http://jv.news24.com/Beeld/Suid-Afrika/0,,3-975_2514828,00.html

Advertisements

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s