2 van polisie wat vrou glo verkrag steeds op hul pos

2009-11-05 22:06

Magdel Fourie

Terwyl die Oos-Randse ma wat na bewering verlede naweek deur twee polisielede in uniform verkrag is die polisie wil dagvaar, is die betrokke polisielede steeds op hul pos.

Die regsfirma De Meyer & De Vries se prokureurs is al besig met die saak van mev. Martie Olivier (29), wat glo verlede Sondagoggend herhaaldelik verkrag is nadat twee beamptes haar en haar man, mnr. Sarel Olivier, in Kempton Park voorgekeer het.

“Ons vorder goed met die saak en sal heel waarskynlik hof toe gaan vir verhoor,” het me. Lesley Steyn, ’n prokureur by De Meyer & De Vries, gesê.

Beeld se beriggewing oor die verkragting het verlede week wye reaksie uitgelok, met talle lesers wat ingebel en aanbiedinge om regshulp wat ingestroom het.

Me. Alana Bailey, adjunk- uitvoerende hoof van die burgerregte-inisiatief AfriForum, het ook gesê talle van hul lede vra hulle om die Oliviers te help.

AfriForum het onder meer ook ’n prokureur gekry wat ingestem het om namens die Oliviers die polisie te dagvaar. Die egpaar hét toe al De Meyer & De Vries se dienste bekom.

Die Onafhanklike Klagtedirektoraat (OKD) het sedertdien die dossier by die polisie oorgeneem, het supt. Eugene Opperman, Gautengse polisiewoordvoerder, gesê.

Volgens mnr. Moses Dlamini, OKD-woordvoerder, is niemand nog hangende die ondersoek geskors nie. “Die saak word wel as ’n hoëprofielsaak beskou en kry goeie aandag. Die ondersoek is goed op dreef.”

Mnr. Olivier het gister gesê hy en sy vrou kry intensiewe sielkundige hulp.

’n Neurochirurg het intussen ook harsingskudding en meegaande verswakte konsentrasievermoë by mev. Olivier gediag­noseer.
Sy het vroeër aan Beeld gesê een polisielid het haar kop teen die instrumentpaneel gestamp.

Omdat die egpaar nie ’n mediese fonds het nie, is dit vir hulle moeilik om die mediese en psigiatriese hulp te bekostig.

“Sy is definitief herhaaldelik verkrag, maar verwerk dit nog glad nie. Uitgebreide psigiatriese terapie is ’n noodsaaklikheid,” het Steyn gesê.

Oorsprong:Beeld
http://www.beeld.com/Content/Suid-Afrika/Nuus/1928/9f138ac75cf94cd5a761655f81f96225/05-11-2009-10-06/2_van_polisie_wat_vrou_glo_verkrag_steeds_op_hul_pos

Advertisements

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s