Kameeldrift: Man op sy hoewe doodgesteek

2010-05-11 11:20
Fanie van Rooyen

’n Man is gistermiddag op sy hoewe by Kameeldrift-Wes in Pretoria vermoor deur ’n aan-valler wat hom vyf keer met ’n skerp voorwerp in die bors gesteek het.

Mnr. Robert Botha (58) is net ná 15:00 deur een van twee vriende gevind wat saam met hom in die huis gewoon het.

Dit is die jongste in ’n reeks van verskeie aanvalle van verlede maand tot gister in dié misdaadgeteisterde gebied.

Verlede week is mnr. Theunis Pelser (66), wat as ’n vragmotorbestuurder vir die winkel J&B Sugars in Kameeldrift gewerk het, dood nadat hy in ’n rooftog geskiet is.

Op 16 April is mev. Suna Steenberg (45) in Kameelfontein in die kop geskiet en op 6 April is ’n matriekseun, Ernst Hoon (18), deur sy slaapkamervenster op Leeuwfontein in die Kameeldrift-gebied doodgeskiet.

Ao. Wanda Olivier, polisiewoordvoerder, het gister gesê een van Botha se twee vriende was nie tuis nie en die ander een het gaan stap.

“Toe die vriend wat gaan stap het terug by die huis kom, het hy Botha se lyk gevind,” het Olivier gesê.

Daar was geen tekens van ’n inbraak of struweling nie.

“Al wat uit die huis vermis is, is twee van Botha se .22-gewere wat uit ’n kluis weg is.”

Die polisie ondersoek sake van moord en diefstal.

Daar is volgens Olivier geen verdagtes nie omdat daar geen ooggetuies is of tekens van ’n struweling of inbraak nie.

Oorsprong:Beeld
http://www.beeld.com/Suid-Afrika/Nuus/Kameeldrift-Man-op-sy-hoewe-doodgesteek-20100511

Advertisements

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s